Batys Qazaqstanda mal baǵyp júrip joǵalyp ketken jasóspirim tabyldy
BQO TJ departamentiniń baspasóz qyzmetinen túsken málimetke qaraǵanda, oqıǵa 6 qańtar kúni Qaratóbe aýdany Qoskól aýyldyq okrýgi aýmaǵynda boldy.
«Qoskól aýylynan 4 shaqyrymdaı jerde 2008 jylǵy jasóspirim mal baǵyp júrip, saǵat 10.00-de aýa raıynyń nasharlaýyna baılanysty baǵytynan jańylǵan. Bul týraly saǵat 15.48-de habar túsken. Іzdestirý jumystaryna TJ, polıtsııa bólimderi, jergilikti atqarýshy organdar jáne turǵyndar jumyldyryldy. Sonyń nátıjesinde saǵat 16.40-ta jasóspirim aman-esen tabyldy. Ol medıtsınalyq kómekti qajetsingen joq. BQO TJ departamenti jazataıym oqıǵalardy boldyrmaý úshin qarapaıym qaýipsizdik erejelerin saqtaý kerektigin eske salady. Ásirese, qarııalar men balalardyń jalǵyz ketpegeni durys», dep habarlady vedomstvodan.
Eske sala keteıik, budan buryn BQO-da kóktaıǵaqqa baılanysty respýblıkalyq joldyń jabylǵanyn jazǵan bolatynbyz.