Batys Qazaqstanda mádenıet úıiniń shatyry qulady

ORAL. QazAqparat – Batys Qazaqstan oblysynda mádenıet úıiniń shatyry qulady, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa 26 jeltoqsan kúni saǵat 20.10-da Bórli aýdany Ýspenov aýylynda boldy.

«Qazgıdromet» RMK BQO fılıalynyń málimeti boıynsha ekpini sekýndyna 18 metrge jetken jeldiń saldarynan eki qabatty Ýspenov aýyldyq mádenıet úıiniń 45 sharshy metr shatyry sypyrylyp tústi.

Ǵımarattyń jalpy aýdany – 1205,4 sharshy metr.

Zardap shekkender joq.

Oqıǵa ornynda arnaıy komıssııa jumys jasap jatyr.

Atalmysh ǵımarat 1964 jyly boı kótergen. 2009 jyly kúrdeli jóndeý júrgizilgen.

Eske sala keteıik, budan buryn Oralda kúshti jel bes qabatty turǵyn úıdiń julyp áketkenin, BQO-da taǵy bir respýblıkalyq jol jabylǵanyn jazǵan bolatynbyz.

Sondaı-aq Batys Qazaqstanda qatty jelden kolledj ǵımaratynyń shatyry ushyp ketti.