Batys Qazaqstanda qyzylsha juqtyrǵandar sany seksennen asty
ORAL. QazAqparat - Batys Qazaqstan oblysynda qyzylshamen aýyrǵandar sany seksennen asty, dep habarlaıdy QazAqparat tilshisi.
BQO qoǵamdyq densaýlyq saqtaý departamentinen alynǵan málimetke qaraǵanda, óńirde kúni búginge deıin 82 adam osy dertke shaldyqsa, sonyń 45,1 paıyzy - 14 jasqa deıingi balalar.
Bir jasqa deıingi 14 sábı qyzylshamen aýyrǵan, bul - balalardyń 37,8 paıyzy.
Qyzylsha, ásirese, Oral qalasynda beleń alyp tur, munda 54 adam syrqattansa, sondaı-aq Báıterek aýdanynda - 8, Bórlide - 7, Bókeı ordasynda - 6, Syrymda - 4, Terektide 3 jaǵdaı tirkelgen.
Aýrýdyń aldyn alý maqsatynda 1 sáýirden beri 9-10 aılyq sábılerdi, 40 jasqa deıingi medıtsına qyzmetkerlerin jáne qyzylshaǵa shaldyqqandarmen qarym-qatynas jasaǵandardy egý jumystary júrgizildi.
Sáýir aıynda 2074 bala (95,2 paıyz), 1550 medıtsına qyzmetkeri (97,2) jáne qyzylshamen aýyrǵandarmen baılanysta bolǵan 108 adam egildi. 9-10 aılyq sábılerdi qosymsha egý jumystary jeltoqsan aıyna deıin jalǵasady.
«Qyzylsha pnevmonııa, bronhıt, entsefalıt sııaqty aýrýlarǵa, tipti qaralmaǵan jaǵdaıda ólimge aparyp soqtyrýy múmkin. Sondyqtan odan saqtanýdyń jalǵyz joly - ekpe alý», - dep habarlady QazAqparat tilshisine atalǵan departamentten.
Eske sala keteıik, budan buryn BQO-da qyzylshaǵa shaldyqqan 14 jasqa deıingi balalardyń barlyǵy ekpe almaǵanyn jazǵan bolatynbyz.
