Batys Qazaqstanda qystaqqa ketken bes adam túgeldeı tabyldy

ORAL. QazAqparat - Batys Qazaqstan oblysynda qystaqqa ketken bes adam túgeldeı tabyldy, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, oqıǵa Aqjaıyq aýdany Qabyrshaqty aýyldyq okrýginde boldy.

27 jeltoqsan kúni saǵat 15.00-de bes adam MTZ-80 traktorymen Pervomaı aýylynan Shynqudyq qystaǵyn betke alyp, shyǵyp ketken.

Іzdestirý jumystary nátıjesinde 30 jeltoqsan kúni saǵat 16.02-de joǵalǵandardyń ekeýi Shynqudyq qystaǵy mańynan tabyldy. Sondaı-aq saǵat 20.48-de qalǵan úsh adam Pervomaıdan 60 shaqyrym jerdegi dalalyq joldan tabyldy. Barlyǵy medıtsınalyq kómekti qajetsinbedi.

Olardyń bári de «Irıda» sharýa qojalyǵynyń jaldamaly jumysshylary bolyp shyqty.

Eske sala keteıik, budan buryn Oralda bir aılyq mólsherdegi qar túskenin jazǵan bolatynbyz.