Batys Qazaqstanda qysqa daıyndyqqa 6,9 mlrd teńge jumsalady
ORAL. QazAqparat - Batys Qazaqstan oblysynda aldaǵy qysqa daıyndyq jumystaryna 6,9 mlrd teńge baǵyttaldy.
BQO energetıka jáne turǵyn úı-kommýnaldyq sharýashylyǵy basqarmasynyń basshysy Ǵalym Orynǵalıevtiń aıtýynsha, sonyń ishinde áleýmettik mekemeler úshin suıyq jáne qatty otyn satyp alýǵa 323,4 mln teńge, 13 bilim nysanyn kúrdeli jóndeýge 2235,6 mln teńge, Aqjaıyq aýdany ortalyǵy Chapaev aýylyndaǵy aýdandyq aýrýhanany kúrdeli jóndeýge 248,5 mln teńge, úsh mádenıet nysanyn kúrdeli jóndeýge 140,6 mln teńge, «Nurly jol» baǵdarlamasyna sáıkes jylý, sýmen qamtý júıelerin qaıta qurýǵa 2554,3 mln. teńge bólingen bolatyn. Oǵan qosa Oraldaǵy ınjenerlik jelilerdi qaıta retteýge áleýmettik joba boıynsha «QPO b.v.» kompanııasy qarjysy esebinen 1420,0 mln teńge qaraldy.
Qazirgi ýaqytta oblys boıynsha bıýdjettik mekemelerge quny 323,4 mln teńge turatyn 4,4 myń tonna kómir jáne 1,4 myń tonna suıyq otyn qajet bolsa, ol tolyqtaı jetkizildi. 2015-2016 jylǵy jylytý maýsymynda bul qajettilik 6,7 myń tonna kómir jáne 2,2 myń tonna suıyq otyndy (379,1 mln. teńge) quraǵan edi. Oblys eldi mekenderin gazdandyrý esebinen qajettilik 2,3 myń tonna kómir men 0,8 myń tonna suıyq otynǵa (34,8 paıyzǵa) kemidi. Sonyń nátıjesinde 55,7 mln. teńge bıýdjet qarjysy únemdeldi.
Óńirde 645 bilim nysany qysqa tolyqtaı daıyn. Sol sekildi 407 densaýlyq saqtaý nysanynyń 406-sy (99,8 paıyz), 379 áleýmettik nysannyń 378-i (99,7 paıyz) ázir. Oral qalasynda 1164 úı, Aqsaıda 105 úıdiń barlyǵy daıarlyqtan ótkizildi.
«Jaıyqjylýqýat» AQ qazandyq sharýashylyǵy men jylý jelilerin jóndeýge 295,7 mln. teńge qaralsa, kásiporyn bul jumystardy 102 paıyzǵa (302,64 mln teńge) oryndady. Sonda ı-aq «Jaıyqjylýqýat» AQ ınvestıtsııalyq baǵdarlamaǵa sáıkes óz qarjysy esebinen 311,2 mln teńgeniń jumysyn atqarýda.
Aqsaı qalasynda «Aqsaıjylýqýat» MQK 2,6 km jylý jelisin 2 mln teńgege aǵymdaǵy jóndeýden ótkizdi. Oǵan qosa «QPO b.v.» qarjysyna 4-5-shaǵynaýdandy jylýmen qamtý úshin 874 mln. teńgege qazandyq salynýda. Merdiger mekeme «Kaz Contraction Group» JShS bul nysandy jeltoqsan aıyna deıin salyp bitirmekshi.
«Nurly jol» baǵdarlamasyna sáıkes Oralda 375,4 mln. teńgege jalpy uzyndyǵy 1,344 km jylý qubyry (eki joba) qaıta qurylýda.
«Batys sý arnasy» JShS ınvestıtsııalyq baǵdarlamasyna sáıkes 204,2 mln teńgege jóndeý, jańǵyrtý jumystaryn atqarýda. Oǵan qosa «Nurly jol» baǵdarlamasyna sáıkes jeti joba boıynsha 1529,8 mln teńgege 9,8 km sýmen qamtý jelileri jáne 4,1 km sý burmalary salynýda. Kúni búgin 1031,6 mln teńge ıgerilip, jospar 90 paıyzǵa oryndaldy.
Sondaı-aq óz qarjylary esebinen «Batys Qazaqstan elektr jelilerin taratý kompanııasy» AQ 226,5 mln teńgeniń, «QazTransGazAımaq» AQ 255,5 mln teńgeniń jumystaryn atqara keldi.
