Batys Qazaqstanda qys kesheýildep shyǵatyn túri bar

«Qazgıdromet» RMK-nyń oblystaǵy fılıalynyń málimetine qaraǵanda, 7-9 naýryz kúnderi kúndiz de, túnde de -3º, -8º shamasynda aıaz bolady. Tipti 9-11 naýryz aralyǵynda kún sýytyp, túnde -8º, -13º, al kúndiz -4º aıaz bolady dep kútilýde.

Naýryz aıynyń ekinshi onkúndiginiń bastamasynda aýa temperatýrasy kúndiz +1º jáne +6º arasynda jyly bolǵanymen, túnde tipti -5 gradýsqa deıin sýytyp qubylady. Esesine ekinshi onkúndiktiń sońyna taman kún sýytyp, túnde aýa qysymy -8º, -13 gradýsqa deıin tómendep, al kúndiz -2 gradýs aıaz, tipti BQO-nyń keıbir aýmaqtarynda -7 gradýsqa deıin sýytýy yqtımal. Al naýryz aıynyń sońǵy onkúndiginiń alǵashqy jartysynda, ıakı 21-25 naýryz kúnderi kóktem kún sanap kúsh alyp, túnde -2 gradýsqa deıin aıazdatqanymen, kúndiz +5, +10 gradýsqa deıin jyly bolady. Biraq kóktemniń alǵashqy aıynyń 26-28 kúnderi kún qaıta sýytyp, túnde -3º, -8º aıaz, kúndiz +5 gradýsqa deıin jyly bolady. Al aıdyń sońǵy (29-31) kúnderi kóktemniń jyly lebi sezilip, túnde +2º jáne +3º jyly bolyp, adamdar kúndiz qyzýy +8, +13 gradýstyq kún shýaǵyn sezinedi.

Aýa raıyn boljaýshy mamandardyń málimetine qaraǵanda, bul aıdaǵy jaýyn-shashynnyń mólsheri qalypty bolmaq. Naýryzdyń birinshi onkúndigine qosa, ekinshi onkúndikte jáne úshinshi onkúndiktiń ortasyna taman qar jaýady. Aıdyń alǵashqy onkúndiginiń ortasynda jáne úshinshi onkúndiktiń basynda qar aralas jańbyr jaýyp, tuman túsip, kóktaıǵaq bolady.