Batys Qazaqstanda quıyndy daýyl jóninde taǵy eskertý jarııalandy
ORAL. QazAqparat - «Qazgıdromet» RMK BQO fılıalynyń málimeti boıynsha, 14 qyrkúıek kún oblystyń keı jerlerinde shańdy daýyl kóterilip, naızaǵaı oınaıdy. Ońtústik-batystan soǵatyn jeldiń jyldamdyǵy sekýndyna 15-20 metrge jetýi yqtımal, dep habarlaıdy «QazAqparat» tilshisi.
Oral qalasynda jeldiń jyldamdyǵy sekýndyna 18 metrge jetpek.
Osyǵan baılanysty BQO TJ departamenti eskertý jarııalap, turǵyndar arasynda tótenshe jaǵdaıdy boldyrmaý, ómirlik mańyzy zor nysandar men elektr, baılanys júıeleriniń úzdik qyzmetin qamtamasyz etý baǵytynda sharalar qolǵa alynýda.
Aıta keteıik, aýa raıynyń buzylatyny jóninde 10 qyrkúıek kúni de eskertilgen bolatyn.
