Batys Qazaqstanda kúshti jel mekteptiń shatyryn julyp áketti
ORAL. Batys Qazaqstan oblysynda kúshti jel mekteptiń shatyryn julyp áketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 14 qańtar kúni saǵat 14.40-ta Qaratóbe aýdany Jýsandyoı aýylynda boldy.
Ekpini sekýndyna 22 metrge deıin jetken qatty jel saldarynan orta mektep ǵımaratynyń shatyry sypyrylyp tústi. Onyń aýmaǵy 1266,8 sharshy metrdi qamtydy.
Ǵımarattyń jalpy aýdany - 1778 sharshy metr.
Zardap shekkender joq.
Oqıǵa ornynda arnaıy komıssııa jumys isteýde.
Eske sala keteıik, budan buryn Batys Qazaqstanda respýblıkalyq jol jabylǵanyn jazǵan bolatynbyz.
