Batys Qazaqstanda qoı sharýashylyǵyn damytýǵa kóńil bólinýde
Onda A.Óteǵulovtyń málim etkenindeı, óńirde qoı basyn ósirýge múmkindik mol. Qazirgi tańda oblysta1 mln 435 myń bas qoı-eshki bar, bul ótken jylǵydan 2,5 paıyzǵa artyq. Asyl tuqymdy qoı ósiretin sharýashylyq sany 11-ge, mundaǵy mal basy 32 500-ge jetkenimen, bul óte az.
Jyl saıyn oblysta 16 700 tonna (soıys salmaǵymen 7 600 tonna) qoı eti óndiriledi. Sonyń ishinde «Batys Marqa Lamb» JShS qoı eti ónimderin Reseı men Iranǵa shyǵarýda. Taıaýda Qytaıdyń Nanın qalasynda ótken aımaqaralyq forým aıasynda atalmysh kásiporyn men qytaılyq kompanııa arasynda yntymaqtastyq jónindegi memorandýmǵa qol qoıyldy. Kelisimge sáıkes Batys Qazaqstanda 30 myń bas usaq mal bordaqylaıtyn alań salý kózdelýde. Sodan keıin munda ósirilgen mal «Batys Marqa Lamb» JShS et kesheninde soıylyp, Qytaıǵa jóneltiletin bolady. ıAǵnı Qytaıda qoı, sıyr jáne jylqy etine degen suranys mol. Jýyrda Qazaqstan Qytaıǵa qoı etin jóneltý jóninde sertıfıkat alatyn bolady.
Bylaısha aıtqanda, batysqazaqstandyqtar kooperatıvter qurý, mal tuqymyn asyldandyrý arqyly qoı etin alys-jaqyn shet elderge eksporttaýǵa múmkindik alyp otyr. Kúni búgin «Batys Marqa Lamb» kásipornynan basqa qoı etin eksporttaý jóninde sertıfıkaty bar «Kýbleı» JShS da bul iske bet burdy.
Oblystyq aýyl sharýashylyǵy basqarmasynyń basshysy Berik Esenǵalıevtiń aıtýynsha, barlyq aýdandardan usynys-pikir jınaqtalǵannan keıin mal, sonyń ishinde qoı sharýashylyǵyn damytýdyń shaǵyn baǵdarlamasy men eksporttyq áleýetti arttyrýdyń strategııasy jasalatyn bolady.
Bul rette memleket tarapynan qoldaý da bar. Mysaly, bıyl oblysqa agroónerkásip keshenin qoldaýǵa bıýdjetten 9 571,3 mln teńge bólinse, sonyń ishinde mal sharýashylyǵyna 3 420,6 mln teńge baǵyttalyp otyr. Osynyń 270 mln teńgesi qoı sharýashylyǵyn damytýǵa jumsalýda.
Aıta keteıik, ótken jyly 134 tonna qoı eti Reseıge shyǵarylsa, bıyl 189 tonna qoı eti Reseı men Iranǵa jóneltildi.
