Batys Qazaqstanda qos aýylda tórt birdeı nysan ashyldy
ORAL. Jeltoqsannyń 21-i. QazAqparat /Eljan Eraly/ - BQO-nyń Zelenov aýdany Mıchýrın men Mahambet aýyldarynda jeltoqsannyń 21-inde tórt birdeı nysan ashylyp, oǵan oblys ákimi Baqtyqoja Іzmuhambetov qatysty,
dep habarlaıdy QazAqparat tilshisi.
Mıchýrın aýylyndaǵy mádenıet úıin kúrdeli jóndeýge «Jol kartasyna» sáıkes 27,3 mln. teńge jumsalyp, 48 adam jumysqa tartyldy. Sondaı-aq osy aýylda 10 nesıelik úı iske qosyldy. Ár úıdiń quny - 6,074 mln. teńge.
Mahambet aýylynda aýmaǵy 2 myń sharshy metr jylyjaı paıdalanýǵa berildi. Muny «Altyn bolashaq» sharýa qojalyǵy (basshysy Erkin Nasyrov) iske qosty. Mahambette boı kótergen «Qazposhta» ǵımaratynyń qurylysyna 10,7 mln. teńge jumsaldy. Merdigeri - «Lobasov» JK.
