Batys Qazaqstanda koronavırýstan taǵy jeti adam jazylyp shyqty
ORAL. QazAqparat – Batys Qazaqstan oblysynda taǵy jeti adam koronavırýstan jazylyp shyqty, dep habarlaıdy QazAqparat tilshisi.
Oblystyq juqpaly aýrýlar aýrýhanasynyń dırektory Nadııa Ahmetovanyń aıtýynsha, baqylaý synamalary olardyń koronavırýstan emdelgendigin kórsetti.
Olardyń ekeýi – Oral qalasynyń, taǵy ekeýi – Tasqala aýdanynyń turǵyny. Sondaı-aq bir-birden Túrkistan men Mańǵystaý oblysynan, Terekti aýdanynan bar.
Aýrýhanada qalǵan 145 naýqas emderin jalǵastyrýda.
Osylaısha Batys Qazaqstanda saýyǵyp shyqqandar sany 72-ge jetti.
Eske sala keteıik, budan buryn BQO-da taǵy alty adamnyń emdelip shyqqanyn, oblysqa Teńiz ken ornynan 1700-den astam adamnyń kelgenin jazǵan bolatynbyz.
