Batys Qazaqstanda koronavırýspen aýyrǵan 4 bala jazylyp shyqty
ORAL. QazAqparat – Batys Qazaqstan oblysynda koronavırýspen aýyrǵan 4 bala jazylyp shyqty, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkendeı, qyrkúıek aıynda tórt baladan COVID-19-ǵa alynǵan PTR test oń nátıje kórsetken.
Úsh bala óziniń ákesinen, bireýi ájesinen juqtyrǵan. Olardyń barlyǵy da orta dárejeli farıngıt dıagnozymen oblystyq juqpaly aýrýlar aýrýhanasyna ornalastyryldy. Balalardy ambýlatorly túrde emdeýge bolar edi, biraq úıinde ata-anasy aýyrǵandyqtan, qajetti kútimdi qamtamasyz etý múmkin emestigin eskere otyryp, aýrýhanaǵa jatqyzý týraly sheshim qabyldandy.
On kúnnen keıin ekeýi, 12 kúnde taǵy ekeýi tolyq jazylyp shyqty. Aýrýhanadan shyǵarardyń aldynda jasalǵan qaıtalama PTR-test tórt balada da koronavırýs joqtyǵyn kórsetti.
Іndet bastalǵannan beri óńirde barlyǵy 67 baladan koronavırýs anyqtaldy.
Jalpy, oblysta osy kezge deıin 6869 adam tirkelse, sonyń 6747-si emdelip shyqty. 109 adam kóz jumdy.
Qazirgi tańda pnevmonııadan 58 adam emdelýde. 1 adam ottegi kontsentratory apparatyna qosylǵan. Pnevmonııadan 214 adam qaıtty.
Juqpaly aýrýlar statsıonarynda 29 adam jatyr. 4 adam jansaqtaý bóliminde.
Eske sala keteıik, budan buryn BQO-da 4 oqýshy koronavırýs juqtyrǵanyn jazǵan bolatynbyz.
