Batys Qazaqstanda koronavırýspen aýrýhanada jatqandar sany 450-den asty
ORAL. QazAqparat – Batys Qazaqstan oblysynda koronavırýspen aýrýhanada jatqandar sany 450-den asty, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, óńirde sońǵy kúnderi ınfektsııalyq statsıonarlarda emdelýshiler sany kóbeıip otyr.
Atap aıtqanda, keshegi málimet boıynsha 1123 tósektik 15 ınfektsııalyq statsıonarda 416 adam jatsa, búgin olardyń sany 451-ge jetti. Sonyń ishinde Oralda 600 tósektik 5 statsıonarda 360 naýqas emdelýde.
Sondaı-aq jansaqtaý bóliminde jatqandar sany 30-dan 31-ge jetti. Bul sońǵy kezde koronavırýs juqtyrýshylar azaıǵanymen, aýrýhanaǵa aýyr halde túsip jatqandardyń barshylyq ekendigin kórsetedi.
Sońǵy táýlikte 33 adamnan indet tabylsa, 28 naýqas saýyǵyp shyqty.
Bir aptada aldyńǵymen salystyrǵanda, koronavırýs juqtyrǵandar sany 5,9 paıyzǵa (33 naýqasqa) tómendedi.
Іndet bastalǵannan beri oblysta barlyǵy 23627 adam tirkelip, sonyń 18658-i emdelip shyqty. 354 naýqas kóz jumdy.
Basqarma málimetine qaraǵanda, oblys boıynsha 78371 adam vaktsınanyń birinshi, 36754-i ekinshi komponentimen egildi.
Turǵyndardy vaktsınatsııalaý odan ári jalǵasýda, jýyrda taǵy da vaktsına jetkizilmek.
Eske sala keteıik, budan buryn Batys Qazaqstanda koronavırýs juqtyrǵandardyń 55 paıyzdan astamy Oral qalasynda tirkelip otyrǵanyn jazǵan bolatynbyz.
