Batys Qazaqstanda koronavırýsqa shaldyqqan 39 adam jansaqtaý bóliminde jatyr
ORAL. QazAqparat – Batys Qazaqstan oblysynda koronavırýsqa shaldyqqan 39 adam jansaqtaý bóliminde jatyr, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, ótken táýlikte 166, bir aptada 1343 adam indet juqtyrdy.
Pnevmonııamen aýyrǵan 450 naýqas statsıonarda, 40-y ambýlatorlyq em alýda.
Kúni búgin ınvazıvti jasandy tynys alý apparatyna 1, ınvazıvti emes osyndaı qurylǵyǵa 5, ottegi kontsentratoryna 20, ortalyqtandyrylǵan ottegi kózine 135 adam qosylǵan.
Oblysta 1115 tósektik 11 ınfektsııalyq statsıonarda 617 adam emdelýde. Juqpaly aýrýlar aýrýhanalary 55,3, jansaqtaý bólimsheleri (74 tósek) 52,7 paıyzǵa tolǵan. Sondaı-aq 195 tósektik 4 karantındik statsıonarda 5 adam jatyr.
Rezerv retinde 1452 (687-si ınfektsııalyq, 765-i karantındik) tósek-oryn ázirlendi.
Basqarma málimetine qaraǵanda, bıyl 693, oqý jyly bastalǵan qyrkúıekten beri 898 bala koronavırýs juqtyrdy.
Іri kásiporyndardan «Jaıyqmunaı» JShS-da jyl basynan beri 38, Qarashyǵanaq kenishin ıgerip jatqan «QPO b.v.» kompanııasynan 96 adamnan indet tabyldy.
Eske sala keteıik, budan buryn Batys Qazaqstanda tórt kúnde 700-ge jýyq adamnan koronavırýs tabylǵanyn jazǵan bolatynbyz.
