Batys Qazaqstanda koronavırýs juqtyrý deńgeıi 12,9 paıyzǵa tómendedi
BQO sanıtarlyq-epıdemıologııalyq baqylaý departamentiniń bólim basshysy Gúlmıra Kajýshevanyń óńirlik kommýnıkatsııalar qyzmeti alańynda ótken brıfıngide málim etkenindeı, ótken tamyz aıynda oblysta 3828 adamnan koronavırýs anyqtaldy.
Sonyń ishinde 2311-i (60 paıyzy) JRVI belgileri boıynsha qaralsa, 920-sy (24 paıyzy) profılaktıkalyq maqsatta tekserilgen. 558-i (15 paıyzy) buryn aýyrǵandarmen baılanysta bolsa, 39-ynan (1 paıyz) epıdemıologııalyq qadaǵalaý maqsatynda synama alynǵan.
Aýyrǵandardyń 36 paıyzy (1393) Oral qalasynda, 16 paıyzy (608) Bórli, 15 paıyzy (586) Báıterek, 5 paıyzy (206) Terekti jáne 4,7 paıyzy (183) Kaztalov aýdanynda tirkeldi.
Gúlmıra Qadyrqyzynyń sózine qaraǵanda, 531-i 14 jasqa deıingiler bolsa, 114-i – 15-17, 426-sy – 18-25, 850-i – 26-40, 1097-si – 41-60 jas aralyǵyndaǵylar. 810-y – alpystan asqandar.
Syrqattanǵandardyń teń jartysyna jýyǵy, ıaǵnı 1876-sy (49 paıyz) – jumys isteıtinder, 960-y (25 paıyzy) – jumyssyzdar, 780-i (20,3 paıyzy) – zeınetkerler.
1 qyrkúıekten beri óńirde 274 adamnan koronavırýs tabyldy.
«Sońǵy aptada monıtorıngtik toptar 80 reıd barysynda 601 nysandy qamtydy. 8 nysanda buzýshylyqtar anyqtaldy. QR Ákimshilik quqyqbuzýshylyq kodeksi 425-baby 1-bóligine sáıkes 18 hattama toltyrylyp, 787 590 teńge aıyppul salyndy. "Ashyq" jobasyna qatysatyn nysandarǵa sońǵy aptada úılerinde oqshaýlanýy tıis 80 adamnyń (36-sy – «qyzyl», 44-iniń «sary» mártebesi bar) kelgeni anyqtaldy.
Atalǵan kodekstiń 425-baby 1-bóligine sáıkes jeke tulǵalarǵa qatysty 4 mln 346,330 myń teńge kóleminde barlyǵy 100 ákimshilik hattama toltyryldy», dedi G.Kajýsheva.
Eske sala keteıik, budan buryn Batys Qazaqstanda sońǵy tórt kúnde 340 adamnan koronavırýs tabylǵanyn, 201 myńnan astam adamnyń koronavırýsqa qarsy vaktsına saldyrǵanyn jazǵan bolatynbyz.