Batys Qazaqstanda koronavırýs juqtyrǵandardyń 55 paıyzdan astamy Oralda tirkelgen
ORAL. QazAqparat - Batys Qazaqstan oblysynda koronavırýs juqtyrǵandardyń 55,8 paıyzy Oral qalasynda tirkelgen, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamentiniń baspasóz qyzmetinen túsken málimetke qaraǵanda, indet bastalǵannan beri óńirde barlyǵy 11 650 naýqas anyqtalsa, sonyń 6 508-i oblys ortalyǵynyń úlesine tıedi.
Syrqattanǵandardyń 6 179-y - aýrý belgisi bar adamdar.
Jyl basynan beri 2 429 adamnan (1514-i - aýrý belgisi barlar) COVID-19 tabylsa, sonyń 1 335-i Oralda belgili boldy.
Sondaı-aq bıyl Báıterek (415), Bórli (272), Aqjaıyq (107) aýdandarynda indet órshı túsip otyr.
Eske sala keteıik, budan buryn BQO-da kınoteatrlardyń jumys isteýine ruqsat berilgenin jazǵan bolatynbyz.
