Batys Qazaqstanda koronavırýs juqtyrǵandardyń 55 paıyzdan astamy Oral qalasynda tirkelip otyr
ORAL. QazAqparat – Batys Qazaqstan oblysynda koronavırýs juqtyrǵandardyń 55 paıyzdan astamy Oral qalasynda tirkelip otyr, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkenindeı, jyl basynan beri óńirde 14373 adamnan indet tabyldy.
Aýyrǵandardyń 55,7 paıyzy (8008) Oral qalasynda, 14,3 paıyzy (2063) Báıterek, 11,1 paıyzy (1603) Bórli aýdanynda anyqtalǵan.
Sońǵy aptada aldyńǵymen salystyrǵanda, aýrý juqtyrý kórsetkishi 7,7 paıyzǵa (44 naýqasqa) tómendedi.
Basqarma málimetine qaraǵanda, oblysta 1123 tósektik 18 ınfektsııalyq statsıonarda 416 naýqas emdelýde. Sonyń ishinde Oral qalasynda 600 tósektik 5 aýrýhanada 356 adam jatyr. 30 naýqas jansaqtaý bóliminde.
Óńirde 77486 adam koronavırýsqa qarsy vaktsınanyń birinshi, 36395-i ekinshi komponentin saldyrdy.
Eske sala keteıik, budan buryn Batys Qazaqstanda sońǵy tórt kúnde 300-ge jýyq adamnan koronavırýs anyqtalǵanyn jazǵan bolatynbyz.
