Batys Qazaqstanda koronavırýs juqtyrǵandar sany sońǵy aptada 22,09 paıyzǵa tómendedi
BQO sanıtarlyq-epıdemıologııalyq baqylaý departamentiniń baspasóz qyzmetinen túsken málimetke qaraǵanda, bul - aldyńǵy aptadaǵydan (13-19 qyrkúıek - 593) 22,09 paıyzǵa kem.
Oblys boıynsha 1 qyrkúıekten beri 2252 adamnyń indet juqtyrǵany belgili boldy.
Sonyń 1225-i nemese 54 paıyzy JRVI belgileri boıynsha, 555-i (25 paıyz) profılaktıkalyq maqsatta tekserilgen. 456-sy (20 paıyz) buryn aýyrǵandarmen baılanysta bolsa, 16-synan (1 paıyz) statsıonarǵa jatqyzar aldynda synama alynǵan.
Departament málimeti boıynsha sońǵy tórt kúnde 269 adamnan koronavırýs tabyldy. Munyń 124-i Oral qalasy, 62-si Báıterek, 29-y Bórli aýdanynyń úlesine tıedi.
Pandemııa bastalǵannan beri óńirde barlyǵy 37 255 naýqas tirkelip, sonyń 29 528-i jazylyp shyqty. 756-sy kóz jumdy.
Eske sala keteıik, budan buryn BQO-da koronavırýspen kúres sharalaryna 4,2 mlrd teńge bólingenin jazǵan bolatynbyz.
