Batys Qazaqstanda koronavırýs juqtyrǵan 70-ke jýyq bala em alyp jatyr

ORAL. QazAqparat – Batys Qazaqstan oblysynda koronavırýs juqtyrǵan 67 bala aýyryp jatyr, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti málim etkenindeı, olardyń bári de ambýlatorlyq em alýda.

Jyl basynan beri barlyǵy 2189 bala syrqattansa, sonyń osy kezge deıin 2122-si jazylyp shyqty.

BQO densaýlyq saqtaý basqarmasynan túsken málimetke qaraǵanda, kúni búgin 1459 tósektik 20 ınfektsııalyq statsıonarda 526 adam emdelýde. Sonyń ishinde 423-i Oral qalasynda.

Jansaqtaý bólimshelerinde 44 naýqas jatyr.

Sońǵy aptada aldyńǵymen salystyrǵanda, koronavırýs juqtyrý kórsetkishi 14,8 paıyzǵa (120-ǵa) tómendedi.

Іndet taraı bastalǵannan beri oblys boıynsha barlyǵy 35 578 naýqas tirkelse, sonyń 27 443-i emdelip shyqty. 695-i koronavırýstan kóz jumdy.

Eske sala keteıik, budan buryn BQO-da koronavırýsqa shaldyqqan 40-tan astam naýqastyń aýyr halde jatqanyn jazǵan bolatynbyz.

Sondaı-aq Oralda mektepte kvartstan 10 oqýshynyń kózderi zaqymdandy.