Batys Qazaqstanda koronavırýs juqtyrǵan 40-qa jýyq naýqas aýyr halde jatyr

ORAL. QazAqparat – Batys Qazaqstan oblysynda koronavırýs juqtyrǵan 39 naýqas aýyr halde jatyr, dep habarlaıdy QazAqparat tilshisi.

BQO densaýlyq saqtaý basqarmasy baspasóz qyzmetiniń málim etkenindeı, sonyń ishinde ekeýi jasandy tynys alý apparatyna qosylǵan.

Oblys statsıonarlarynda barlyǵy 307 naýqas em alýda.

Sonyń 144-i modýldik statsıonarda, 84-i oblystyq juqpaly aýrýlar aýrýhanasynda, 28-i oblystyq kópbeıindi aýrýhanada, qalǵandary aýdandarda em qabyldaýda.

Statsıonarlar 29 paıyzǵa tolǵan.

Sonymen qatar 1028 adam ambýlatorııalyq emdelýde.

Basqarma málimetine qaraǵanda, jyl basynan beri 28 117 adam indet juqtyrsa, sonyń 19 441-i – aýrý belgisi bar naýqastar.

Sońǵy aptada aldyńǵymen salystyrǵanda, aýrý juqtyrý kórsetkishi 20,5 paıyzǵa tómendedi. Sońǵy táýlikte 54 naýqas tirkelse, 143-i jazylyp shyqty.

Jyl basynan beri balalardyń koronavırýs juqtyrýy jıilep otyr. Kúni búginge deıin 2580 balanyń 2475-i jazylyp shyqty. 105-i em alýda.

Eske sala keteıik, budan buryn BQO-da koronavırýspen kúres sharalaryna tartylǵan medqyzmetkerlergi 5,7 mlrd teńge ústemeaqy tólengenin jazǵan bolatynbyz.