Batys Qazaqstanda qora-qopsy men pishen órtenip ketti
ORAL. QazAqparat – Batys Qazaqstan oblysynda qora-qopsy men pishen órtenip ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa keshe saǵat 17.01-de Qaratóbe aýdany Aqqozy aýyldyq okrýgi Qorjyn aýylynda oryn aldy.
D.Nurpeıisova kóshesi №2 mekenjaıynda 210 sharshy metr sharýashylyq qurylysy otqa oranyp, 10 tonna pishen janyp ketken.
Órtti sóndirýge 4 adam, 1 tehnıka jumyldyryldy. «Tilsiz jaý» saǵat 23.05-te aýyzdyqtaldy.
Qazirgi kezde órttiń shyǵý sebebi, keltirilgen shyǵyn anyqtalý ústinde.
Eske sala keteıik, budan buryn Oralda saýda úıiniń mańynda kólik janyp ketkenin jazǵan bolatynbyz.
