Batys Qazaqstanda konteıner men eki avtobýs janyp ketti
BQO TJ departamenti baspasóz qyzmetiniń málimetine qaraǵanda, oqıǵa 9 shilde kúni Báıterek aýdany Mıchýrın aýylynda bolǵan.
«Saǵat 03.08-de Zavod kóshesi 14/3-mekenjaıynda «Voshod» JShS aýmaǵynda avtobólshekterimen temir konteıner (20 sharshy metr) otqa orandy. Sondaı-aq «PAZ» markaly eki avtobýstan túk qalmady. Oǵan qosa jalyn Mıtsýbısı Kanter avtokóligi bazasyndaǵy ıindi kótergish pen «Lada Vesta» jeńil kóligin ishinara sharpydy. Tilsiz jaý saǵat 03.45-te oqshaýlanyp, 04.08-de aýyzdyqtaldy. Qazirgi kezde órttiń shyǵý sebebi, keltirilgen shyǵyn anyqtalyp jatyr», - dep habarlady vedomstvodan.
Eske sala keteıik, budan buryn Batys Qazaqstanda taǵy bir jas jigittiń sýǵa ketkenin jazǵan bolatynbyz.
Sońǵy kúnderi óńirde kún kúrt ysyp, órt qaýpi kúsheıip tur.
