Batys Qazaqstanda Konstıtýtsııa kúnine arnalǵan sharalar ótýde

ORAL. 27 tamyz. QazAqparat - Batys Qazaqstan oblysynda 30 tamyz - Konstıtýtsııa kúnine arnalǵan merekelik sharalar ótýde.

Oblystyq ishki saıasat basqarmasynan túsken málimetke qaraǵanda, Oralda taekvondodan qalanyń ashyq birinshiligi márege jetse, balalar aýla klýbtarynda, mádenıet úılerinde jáne basqa kópshilik oryndarda Ata zańǵa arnalǵan dóńgelek ústel, túrli keshter, kontserttik baǵdarlamalar uıymdastyrylýda.

Negizgi sharalar 30 tamyzǵa belgilengen. Bul kúni ortalyq Abaı alańynda eńbek ujymdarynyń saltanatty sherýi bolyp, óńir jurtshylyǵyn oblys ákimi Nurlan Noǵaev quttyqtaıdy. Kúndiz, sondaı-aq keshkisin kontserttik baǵdarlama qoıylyp, ol otshashýǵa ulaspaq.