Batys Qazaqstanda kólik aýdarylyp, eki jigit qaza tapty
ORAL. QazAqparat – Batys Qazaqstan oblysynda jol apatynan eki jigit qaza taýyp, taǵy tórteýi zardap shekti, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, 15 qańtar kúni saǵat 23.00-den kete Aqjaıyq aýdany Qaraýyltóbe aýyly mańynda «Nıva Shevrole» avtokóligi aýdarylǵan.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdemge saǵat 23.20-da qońyraý shalynǵan.
«Zardap shekkenderdiń barlyǵy – 2001 jylǵy jastar. Onyń ekeýi oqıǵa ornynda kóz jumdy. Ekeýi aýrýhanaǵa barýdan bas tartty. Qalǵan ekeýi Aqjaıyq aýdandyq aýrýhanasyna jetkizildi. Dárigerler qaraǵannan keıin denesi kógergen bireýi ambýlatorlyq baqylaýǵa jiberildi. Jabyq bas-mı jaraqatyn alyp, mıy shaıqalǵan ekinshisi aýrýhanaǵa jatqyzyldy», - dedi A.Saqposynova.
