Batys Qazaqstanda qolaısyz aýa raıyna baılanysty respýblıkalyq jol jabyldy

ORAL. QazAqparat - Batys Qazaqstan oblysynda qolaısyz aýa raıyna baılanysty respýblıkalyq jol jabyldy, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, «QazAvtoJol» UK« AQ BQO fılıalynyń málimeti boıynsha 1 qańtar kúni jergilikti saǵat 20.30-dan bastap respýblıkalyq mańyzy bar Samara-Shymkent (266-392 km, Podstepnyıdan Jympıty aýylyna deıin) jolynda barlyq kólik túrleri úshin qozǵalysqa shekteý qoıyldy.

Jabylý sebebi - joldyń kórinbeýi, sýly qar, boran.

TJ departamenti osyǵan baılanysty eskertý jarııalap, atalǵan baǵytta alysqa shyqpaý kerektigin jetkizdi.

Eske sala keteıik, budan buryn BQO-da qystaqqa ketken bes adamnyń túgeldeı tabylǵanyn jazǵan bolatynbyz.