Batys Qazaqstanda kóktaıǵaqqa baılanysty joldar jabyldy

ORAL. QazAqparat - Batys Qazaqstan oblysynda jyl kóktaıǵaqqa baılanysty joldar jabyldy, dep habarlaıdy QazAqparat tilshisi.

«QazAvtoJol» JShS BQO fılıalynyń málimetine qaraǵanda, 5 naýryz kúni saǵat 23.10-nan bastap respýblıkalyq mańyzy bar Atyraý-Oral (492-189 km, Oraldan Atyraý oblysyna deıin) jolynda barlyq kólik túrleri úshin qozǵalysqa shekteý qoıyldy.

Sol sekildi BQO jolaýshylar kóligi jáne avtomobıl joldary basqarmasynyń málimeti boıynsha saǵat 23.30-dan bastap oblystyq mańyzy bar Tasqala-Aqqýraı-Bolashaq-RF shekarasy (0-157 km, Tasqala-RF shekarasy) jáne Úlken Shaǵan-Peremetnyı (0-42 km, Úlken Shaǵan-Peremetnyı) joldary jabyldy.

Osyǵan baılanysty BQO TJ departamenti eskertý jarııalanǵanyn jetkizdi.

Eske sala keteıik, budan buryn Qazaqstanda sý basý qaýpi bar 445 jol ýchaskesi anyqtalǵanyn jazǵan bolatynbyz.