Batys Qazaqstanda kóktaıǵaqqa baılanysty taǵy da joldar jabyldy
ORAL. QazAqparat – Batys Qazaqstan oblysynda kóktaıǵaqqa baılanysty taǵy da joldar jabyldy, dep habarlaıdy QazAqparat tilshisi.
«QazAvtoJol» kompanııasy Batys Qazaqstan oblystyq fılıalynyń málimeti boıynsha jergilikti saǵat 19.40-tan bastap aýa raıynyń nasharlaýyna baılanysty (jańbyr, kóktaıǵaq) respýblıkalyq Oral-Atyraý (375-492 km, Oraldan Chapaevqa deıin), Oral-Tasqala-RF shekarasy (4-104 km, Oraldan Reseı shekarasyna deıin) joldary barlyq kólik túrleri úshin jabyldy.
Sondaı-aq respýblıkalyq Samara-Shymkent (393-526 km, Jympıty aýylynan Aqtóbe oblysyna deıin) joly da jabyq.
Bul týraly QazAqparat tilshisine BQO TJ departamenti habarlady.
Qazirgi ýaqytta Oral qalasynda da jańbyr jaýyp tur, jer kóktaıǵaq.
Eske sala keteıik, budan buryn Batys Qazaqstanda kóktaıǵaqqa baılanysty respýblıkalyq joldar jabylǵanyn jazǵan bolatynbyz.
