Batys Qazaqstanda kóktaıǵaqqa baılanysty respýblıkalyq joldar jabyldy
ORAL. QazAqparat – Batys Qazaqstan oblysynda aýa raıynyń nasharlaýyna baılanysty respýblıkalyq joldar jabyldy, dep habarlaıdy QazAqparat tilshisi.
«QazAvtoJol» UK» AQ BQO fılıalynyń málimeti boıynsha jergilikti saǵat 13.30-dan bastap respýblıkalyq mańyzy bar Oral-Atyraý (189-492 km, Oraldan Atyraýǵa deıin), Samara-Shymkent (265-526 km, Podstepnyıdan Aqtóbege deıin) kúre joldary barlyq kólik túrleri úshin jabyldy.
Jabylý sebebi – jańbyr, kóktaıǵaq.
Osyǵan oraı BQO TJ departamenti eskertý jarııalanyp, turǵyndarǵa SMS habarlamalar jiberilip jatqandyǵyn jetkizdi.
Eske sala keteıik, budan buryn BQO-da er adamdy júk kóligimen qaǵyp, qashyp ketken sheteldik júrgizýshiniń ustalǵanyn jazǵan bolatynbyz.
