Batys Qazaqstanda kóktaıǵaqqa baılanysty respýblıkalyq jol jabyldy
«QazAvtoJol» AQ BQO fılıalynyń málimeti boıynsha 3 qańtar kúni jergilikti saǵat 22.40-tan bastap aýa raıynyń nasharlaýyna baılanysty respýblıkalyq mańyzy bar Oral-Tasqala-RF shekarasy (4-104 km) joly jabyldy.
Oral qalasynan Reseıdiń Saratov oblysy shekarasyna deıingi jolda barlyq kólik túrleri úshin qozǵalysqa shekteý qoıyldy.
Jabylý sebebi – kóktaıǵaq.
BQO TJ departamentiniń baspasóz qyzmetinen málim etkenindeı, 4 qańtar kúni oblystyń shyǵysy men ońtústiginde tuman túsip, kóktaıǵaq bolmaq. Jeldiń jyldamdyǵy sekýndyna 15-20 metrge deıin jetpek. Oral qalasynda da túnde jáne tańerteń tuman men kóktaıǵaq bolmaq. Jeldiń ekpini sekýndyna 18 metrge deıin jetedi.
Osyǵan baılanysty BQO TJ departamenti eskertý jarııalanǵanyn jetkizip, qubylmaly aýa raıy jaǵdaıynda alys jolǵa shyqpaý kerektigin eske salady.
Eske sala keteıik, budan buryn BQO-da kóliktiń sý arnasyna túsip ketip, 2 adamnyń mert bolǵanyn jazǵan edik. Sonymen qatar 9 óńirdegi negizgi joldar jabyldy.