Batys Qazaqstanda kóktaıǵaqqa baılanysty birneshe trassa jabyldy
ORAL. QazAqparat - Batys Qazaqstan oblysynda kóktaıǵaqqa baılanysty birneshe avtojol jabyldy, dep habarlaıdy QazAqparat tilshisi.
"Qazgıdromet" RMK BQO fılıalynyń málimeti boıynsha 13-14 jeltoqsan kúnderi óńirde kún jaýyn-shashyndy bolyp, tuman túsip, qatty kóktaıǵaq bolady dep kútilýde.
BQO Tótenshe jaǵdaılar departamentinen túsken málimetke qaraǵanda, trassalar saǵat 19.00-den bastap jabylǵan.
Atap aıtqanda, oblystyq mańyzy bar Chapaev-Jańaqala-Saıqyn baǵytynda barlyq kólik túriniń qozǵalysyna shekteý qoıyldy.
Sol sekildi respýblıkalyq mańyzy bar Oral-Atyraý, Chapaev-Jalpaqtal-Qaztalov-Jánibek joldary da jabyldy.
«Qazirgi kezde joldardyń jabylǵany jóninde turǵyndarǵa eskertilýde», - dep habarlady TJ departamentinen.
Eske sala keteıik, budan buryn oblysta kóktaıǵaqqa baılanysty joldardyń jabylǵanyn, sondaı-aq Oralda jaraqat alǵandardyń sany 200-den asqanyn jazǵan bolatynbyz. Aýa raıynyń buzylýynan jol-kólik oqıǵalary da jıilep otyr.
