Batys Qazaqstanda qajetti mal azyǵy daıyndaldy
ORAL. 16 qazan. QazAqparat - Batys Qazaqstan oblysynda aldaǵy qysqa qajetti 987 myń tonnanyń ornyna 1039 myń tonna mal azyǵy daıyndaldy.
Oblystyq aýyl sharýashylyǵy basqarmasynan túsken málimetke qaraǵanda, shóptiń ónimdiligi tómen bolǵanymen, jospar asyra oryndaldy. Qala mańyndaǵy jáne Zelenov, Jańaqala aýdandarynyń sharýalary joǵary ónimdilikke qol jetkizdi. Munda ár gektarǵa 5 tsentnerden aınaldy. Al Qaztalov, Aqjaıyq aýdandary kólemi jaǵynan alda boldy.
Azyqtyq daqyldardy jınaýǵa óńirdegi qýańshylyq áser etti. Máselen, quramajemnen qajetti kólemniń 16 paıyzy ǵana ázirlendi.
