Batys Qazaqstanda kazan aıynda 1 myńnan astam adam koronavırýs juqtyrǵan

ORAL. QazAqparat - Batys Qazaqstan oblysynda qazan aıynda 1 018 adamnan koronavırýs anyqtaldy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń baspasóz qyzmetinen túsken málimetke qaraǵanda, sonyń 56 paıyzy (566) JRVI belgilerimen tekserilgen.

Sondaı-aq 28 paıyzy (288) buryn aýyrǵandarmen baılanysta bolǵan. 15 paıyzy (154) profılaktıkalyq maqsatta, 1 paıyzy (10) statsıonarǵa jatqyzar aldynda synama tapsyrǵan.

Syrqattanǵandardyń kópshiligi (279) - 41-60 jas aralyǵyndaǵylar.

Jyl basynan beri barlyǵy 29 269 naýqas tirkelse, bul 100 myń turǵynǵa shaqqanda, 4421,8-den keledi.

Sońǵy aptada (14-20 qazan) aldyńǵymen (7-13 qazan) salystyrǵanda, aýyrǵandar sany 12,6 paıyzǵa (363-ten 317-ge) tómendedi.

Departament málimeti boıynsha sońǵy tórt kúnde 153 adamnan indet tabyldy.

Pandemııa bastalǵannan beri tirkelgen 38 490 naýqastyń 19 255-i Oral qalasynyń úlesine tıedi.

Eske sala keteıik, budan buryn BQO-da 232 myńnan astam adamnyń koronavırýsqa qarsy ekpe saldyrǵanyn jazǵan bolatynbyz.