Batys Qazaqstanda qatty jel turady
ORAL. QazAqparat - «Qazgıdromet» RMK BQO fılıalynyń málimetine qaraǵanda, 17 sáýir kúni óńirde jel kúsheıedi, dep habarlaıdy QazAqparat tilshisi.
Keı jerlerde soltústik-batystan soǵatyn jeldiń jyldamdyǵy sekýndyna 15-20 metrge deıin jetýi yqtımal. Oblys ortalyǵy Oral qalasynda da dál sondaı aýa raıy saqtalyp, jeldiń ekpini sekýndyna 17 metrge jetpek. Osyǵan baılanysty BQO TJ departamenti eskertý jarııalady.
«Turǵyndarǵa SMS habarlamalar jiberilip, tótenshe jaǵdaılardy boldyrmaý baǵytynda basqa da sharalar alynýda», - dep habarlady QazAqparat tilshisine BQO TJ departamentinen.
