Batys Qazaqstanda qatty jel ǵımarattyń shatyryn julyp áketti
ORAL. QazAqparat – Batys Qazaqstan oblysynda qatty jel ǵımarattyń shatyryn julyp áketti, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 2 maýsym kúni saǵat 22.07-de Jańaqala aýdany Jańaqala aýylynda boldy.
Jyldamdyǵy sekýndyna 22 metrge deıin jetken qatty jel aýdandyq Qorǵanys isteri jónindegi bólim ornalasqan bir qabatty ǵımarattyń shatyryn julyp áketti. Aýmaǵy – 160 sharshy metr.
Jalpy aýdany 160 sharshy metr ǵımarat 1985 jyly salynyp, 2007 jyly sońǵy jóndeý jumystary júrgizilgen. Oqys oqıǵadan eshkim z ardap shekken joq.
Qazirgi kezde keltirilgen shyǵyn anyqtalyp jatyr.
Eske sala keteıik, budan buryn Batys Qazaqstanda naızaǵaı túsip, mal qorasy men 125 tonna pishen janyp ketkenin jazǵan bolatynbyz. Sondaı-aq garaj ben avtokólik janyp ketti.
