Batys Qazaqstanda qatty jel aýdandyq aýrýhananyń shatyryn julyp túsirdi
ORAL. QazAqparat – Batys Qazaqstan oblysynda qatty jel aýdandyq aýrýhananyń shatyryn julyp túsirdi, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 14 qańtar kúni saǵat 18.0-de Qaratóbe aýdany ortalyǵy Qaratóbe aýylynda boldy.
Uıtqı soqqan jel saldarynan aýdandyq ortalyq aýrýhananyń jedel járdem korpýsynyń shatyry sypyrylyp tústi. Onyń aýmaǵy 220 sharshy metrdi qurady.
Ǵımarattyń jalpy aýdany – 1375 sharshy metr. 1998 jyly paıdalanýǵa berilgen ǵımarattyń 2008 jyly shatyry jóndelgen.
Sondaı-aq osy kúni saǵat 19.00-de Qaratóbe aýdany Qarakól aýyldyq okrýgi Alakól aýylynda medıtsınalyq pýnkttiń jylytý qazandyǵynyń shatyry (20 sharshy metr) ushyp
ketti. Bul ǵımarat 2018 jyly iske qosylǵan.
Eki oqıǵa saldarynan zardap shekkender joq.
Oqıǵa ornynda arnaıy komıssııa jumys isteýde.
BQO TJ departamenti turǵyndarǵa eskertý jarııalanǵan kúnderi meılinshe saq bolý kerektigin eske salady.
Eske sala keteıik, budan buryn osy Qaratóbe aýdanynda kúshti jeldiń mekteptiń shatyryn julyp áketkenin jazǵan bolatynbyz.
