Batys Qazaqstanda qatty boranǵa baılanysty respýblıkalyq jol jabyldy
ORAL. QazAqparat – Batys Qazaqstan oblysynda qatty boranǵa baılanysty respýblıkalyq jol jabyldy, dep habarlaıdy QazAqparat tilshisi.
«Qazavtojol» JShS BQO fılıalynyń málimeti boıynsha 8 naýryz kúni saǵat 10.25-ten aýa raıynyń nasharlaýynan respýblıkalyq mańyzy bar Oral-Tasqala-RF shekarasy (76-104 km, Tasqala kentinen RF shekarasyna deıin) jolynda barlyq kólik túrleriniń qozǵalysyna shekteý qoıyldy.
Jabylý sebebi – qatty burqasyn, kóriný shegi 50 metrge deıin. Jeldiń jyldamdyǵy – sekýndyna 15 metr.
BQO TJ departamenti osyǵan oraı eskertý jarııalanyp, turǵyndarǵa habarlama jiberilip jatqanyn jetkizdi.
Eske sala keteıik, budan buryn Batys Qazaqstanda boranǵa baılanysty respýblıkalyq joldar jabylǵanyn jazǵan bolatynbyz. Sondaı-aq Aqsaı qalasynda eki avtokólik bir birine soǵylyp, júrgizýshi aýrýhanaǵa tústi.
