Batys Qazaqstanda qarasha aıynda 70-ke jýyq bala koronavırýs juqtyrdy
ORAL. QazAqparat – Batys Qazaqstan oblysynda qarasha aıynda 68 bala koronavırýs juqtyrdy, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkenindeı, 18 qarashadaǵy málimet boıynsha, KVI anyqtalǵan 65 balanyń 61-i – mektep oqýshysy, jeteýi – balabaqsha tárbıelenýshisi.
Qyrkúıek aıynda 4, qazanda 5 oqýshy jáne 2 balabaqsha búldirshini aýyrǵan bolatyn. Bul qarasha aıynda indettiń órship ketkendigin kórsetedi. Balalardyń bári de aýrýdy otbasy múshelerinen juqtyrǵan.
Oblysta sońǵy táýlikte 37 adamnan koronavırýs tabyldy.
Іndet bastalǵannan beri aýyrǵandar sany 7564-ke jetti.
Pnevmonııaǵa shaldyqqan 94 adam statsıonarda, 38-i ambýlatorlyq em alýda.
Ókpeni jasandy jeldetý apparatyna 2, ottegi kontsentratoryna 2 adam qosylǵan.
Juqpaly aýrýlar aýrýhanalarynda 120, karantındik statsıonarda 39 adam jatyr. 8 adam jansaqtaý bóliminde.
Eske sala keteıik, budan buryn BQO-da qarasha aıynda koronavırýs juqtyrǵandar sany 500-den asqanyn jazǵan bolatynbyz.
