Batys Qazaqstanda karantın talabyn buzǵandarǵa 3 mln teńge aıyppul salyndy

ORAL. QazAqparat – Batys Qazaqstan oblysynda jyl basynan beri «Ashyq» qosymshasy derekteri boıynsha úılerinde oqshaýlanýy tıis 769 adamnyń karantın talabyn buzǵany anyqtaldy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń óńirlik kommýnıkatsııalar qyzmeti alańynda ótken brıfıngide málim etkenindeı, olardyń 759-y – «qyzyl» mártebesi bar, ıaǵnı indet juqtyrǵandar, 10-y – «sary» mártebesi bar adamdar.

Onyń aıtýynsha, QR Ákimshilik quqyqbuzýshylyq kodeksi 425-baby 1-bóligine sáıkes jeke tulǵalarǵa 3 mln astam teńge kóleminde aıyppul salyndy.

Búginnen bastap «jasyl» aımaqqa kirgen oblysta jyl basynan beri 9363, sonyń ishinde aqpan aıynda 2265 naýqas tirkeldi.

Osy kezge deıin óńirde 57 153 adam (40,5 paıyzy), sonyń ishinde ótken táýlikte 658 turǵyn revaktsınatsııadan ótti.

«Jyl basynan beri memlekettik shekaradan anyqtamasyz ótken 553 jolaýshynyń jeteýinen, halyqaralyq júk tasymalymen aınalysatyn 409 júrgizýshiniń 18-inen koronavırýs anyqtaldy», dedi N.Mustaev.

Eske sala keteıik, budan buryn Batys Qazaqstanda 55 myńnan astam adamnyń revaktsınatsııadan ótkenin jazǵan bolatynbyz.