Batys Qazaqstanda qar qursaýynda qalǵan jolaýshylar qutqaryldy

ORAL. QazAqparat – Batys Qazaqstan oblysynda qar qursaýynda qalǵan segiz adam qutqaryldy, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkendeı, oqıǵa 6 naýryz kúni Tasqala aýdany aýmaǵynda boldy.

Saǵat 09.03-te Oral-Saratov jolynyń 82-shaqyrymynda avtokóliktiń jol jıegine túsip ketkeni jóninde habarlanǵan.

Tasqala aýdandyq TJ bólimi jáne №15 órt sóndirý beketi qyzmetkerleriniń kúshimen «Folksvagen-Transporter» avtokóligi qardan tazartylǵan jerge shyǵaryldy. Avtokólikte bolǵan 8 adamnyń bireýi – bala. Olar medıtsınalyq kómekti qajetsinbedi.

«Qazirgi tańda aýa raıynyń qolaısyzdyǵyna baılanysty oblys aýmaǵynda respýblıkalyq mańyzy bar Samara-Shymkent jáne Oral-Atyraý joldarynda júk jáne tasymal kólikteri úshin qozǵalys shekteldi. Sonymen qatar respýblıkalyq Oral-Tasqala, oblystyq mańyzy bar Tasqala-Aqqýraı-Bolashaq-RF shekarasy jáne Úlken Shaǵan-Peremetnyı joldary jabyq. Osyǵan baılanysty turǵyndardyń alys jolǵa shyqpaýlary suralady», dedi QazAqparat tilshisine BQO TJ departamenti bastyǵynyń orynbasary, azamattyq qorǵaý polkovnıgi Rashıd Blıalov.

Eske sala keteıik, budan buryn Batys Qazaqstanda kóktaıǵaqqa baılanysty joldar jabylǵanyn jazǵan bolatynbyz.