Batys Qazaqstanda qar qursaýynda qalǵan 20 adam qutqaryldy
ORAL. QazAqparat - Batys Qazaqstan oblysynda boranda qar qursaýynda qalǵan 20 adam qutqaryldy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa Syrym jáne Terekti aýdandarynda boldy.
17 naýryz kúni saǵat 20.58-de Syrym aýdany Shaǵyrlyoı aýylynan 7 shaqyrym jerdegi «Ahmetjan» qystaǵynan jylqy izdeýge kishkentaı balasymen traktormen shyqqan malshynyń joǵalyp ketkeni jóninde habar tústi.
«Trekol» avtokóligimen jedel shyqqan qutqarýshylar saǵat 01.10-da malshy men onyń balasyn tapty.
Saǵat 22.06-da Syrym aýdany Qońyr aýyly mańynda Samara-Shymkent jolynan 10-15 shaqyrym jerde «Nıva» avtokóligi qar qursaýynda turyp qalǵan. 14-órt sóndirý beketiniń qutqarýshylary 5 adamdy (bireýi - bala) Qońyr aýylyna jetkizdi. Sondaı-aq Tasqudyq aýyly mańynda turyp qalǵan «Nıva» avtólkóliginen 3 adam Jympıtydaǵy jylytý pýnktine jetkizildi.
18 naýryz kúni saǵat 01.42-de Terekti aýdany Aqsoǵym aýylynan burylar tusta, Barbastaý-Inder avtojolynyń 71-shaqyrymynda 10 avtokólik (úsheýi - júk, qalǵany - jeńil kólik) qar qursaýynda qaldy. Budan 10 adam (altaýy - bala) Aqjaıyq aýylyna aparyldy.
Qutqarýshylar oblys joldarynda kúsheıtilgen rejımde jumys jasaýda.
Eske sala keteıik, budan buryn BQO-da boranǵa baılanysty respýblıkalyq joldar jabylǵanyn, oblystyq joldarda da kólik qozǵalysy shektelgenin jazǵan bolatynbyz.
