Batys Qazaqstanda qalyń tumanǵa baılanysty respýblıkalyq joldar jabyldy
ORAL. QazAqparat – Batys Qazaqstan oblysynda qalyń tumanǵa baılanysty respýblıkalyq joldar jabyldy, dep habarlaıdy QazAqparat tilshisi.
«QazAvtoJol» kompanııasy BQO fılıalynyń málimeti boıynsha 3 aqpan kúngi jergilikti saǵat 23.00-den bastap aýa raıynyń nasharlaýyna baılanysty respýblıkalyq mańyzy bar Samara-Shymkent (266-392 km, Podstepnyı aýylynan Jympıtyǵa deıin), Atyraý-Oral (492-375 km, Oraldan Chapaevqa deıin) jáne Oral-Tasqala-RF shekarasy (4-104 km, Oraldan Reseı shekarasyna deıin) kúre joldary barlyq kólik túrleri úshin jabyldy.
Osyǵan baılanysty oblystyq TJD eskertý jarııalanyp, turǵyndarǵa habarlanyp jatqanyn jetkizdi.
Eske sala keteıik, budan buryn Batys Qazaqstanda aýa raıyna baılanysty joldardyń jabylǵanyn, sondaı-aq 17 eldi mekenniń elektr jaryǵynsyz qalǵanyn jazǵan bolatynbyz.
