Batys Qazaqstanda iri jáne orta kásiporyndardyń merzimi ótken bereshegi 2417,6 mln. teńgeni qurady

ORAL. 28 qarasha. QazAqparat /Eljan Eraly/ - Batys Qazaqstan oblysynda bıylǵy 1 qarashadaǵy málimet boıynsha iri jáne orta kásiporyndardyń mindettemeler boıynsha merzimi ótken bereshegi 2417,6 mln. teńgeni qurady.

Oblystyq statıstıka departamentinen habarlaǵanyndaı, sonyń ishinde jalaqy qaryzy - 24,6 mln. teńge. Belsendi shaǵyn jáne orta kásipkerlik nysandary bıylǵy on aıda óndirgen ónim kólemi ótken jylǵydan 3,2 paıyzǵa kóbeıip, 366,3 mlrd. teńgege jetti. Osy nysandarda jumys jasaıtyndar sany 0,2 paıyzǵa ósip, 71,7 myń adamdy qurady.