Batys Qazaqstanda iri azyq-túlik dúkeni janyp ketti
ORAL. QazAqparat – Batys Qazaqstan oblysynyń Jánibek aýdanynda iri azyq-túlik dúkeni janyp ketti, dep habarlaıdy QazAqparat tilshisi.
BQO Tótensha jaǵdaılar departamentiniń baspasóz qyzmetinen alynǵan málimetke qaraǵanda, oqıǵa 6 tamyz kúni keshkisin Jánibek aýylynda boldy.
Saǵat 21.18-de «Ýdacha» dúkeniniń tóbesi janyp jatqany jóninde habar tústi.
Órt aýmaǵy 130 sharshy metrdi qamtydy.
«Tilsiz jaýdy» aýyzdyqtaýǵa №21 órt sóndirý beketi (9 tehnıka, 2 tehnıka) jáne erikti órt sóndirý qurylymy (18 adam, 3 tehnıka) jumyldyryldy. Sondaı-aq jedel qutqarý jasaǵy (2 adam, 1 tehnıka), órt zertteý zerthanasy (2 adam, 1 tehnıka) mamandary da qatysty.
Órt búgin saǵat 00.55-te sóndirildi.
Qazirgi kezde órttiń shyǵý sebebi, keltirilgen shyǵyn anyqtalý ústinde.
Eske sala keteıik, budan buryn BQO-da kúshti jel mektep pen turǵyn úılerdiń shatyryn julyp áketkenin jazǵan bolatynbyz.
