Batys Qazaqstanda ınvestıtsııa kólemi 18,8 paıyzǵa ósip otyr
ORAL. QazAqparat - Batys Qazaqstan oblysynda ótken jylǵy on bir aıda óńir ekonomıkasyna 270 mlrd. teńge quıyldy.
Oblys ákimi Nurlan Noǵaevtyń aıtýynsha, bul ótken jylǵy osy kezeńdegiden (217 mlrd. teńge) 18,8 paıyzǵa artyq.
Investıtsııanyń basym bóligi, ıaǵnı 219,6 mlrd. teńge nemese 81,3 paıyzy - sheteldikterdi qosqanda, kásiporyndardyń óz qarjysy. 33,4 mlrd. teńge (12,4 paıyzy) - bıýdjettik, 17,0 mlrd. teńge (6,3 paıyzy) - zaıymdyq qarjy.
Investıtsııanyń qomaqty kólemi (66,3 paıyzy) ken óndirý ónerkásibine, 7,5 paıyzy jyljymaıtyn múlikpen operatsııalarǵa baǵyttalýda.
Óńdeý ónerkásibine jumsalǵan ınvestıtsııa kólemi 2,3 esege ósip, 14,9 mlrd. teńgege jetti.
Elbasy tapsyrmasyna sáıkes ınvestıtsııa tartý oblys ekonomıkasy úshin aıryqsha mańyzdy bolyp tabylady. Óńirde ınvestıtsııa tartý jónindegi óńirlik tujyrymdama jasalyp, tıisti jumystar júrgizilip keledi.
