Batys Qazaqstanda ınfektsııalyq statsıonarlarda 630-ǵa jýyq naýqas emdelip jatyr

ORAL. QazAqparat – Batys Qazaqstan oblysynda 1 459 tósektik 20 ınfektsııalyq statsıonarda 629 naýqas koronavırýstan emdelip jatyr, dep habarlaıdy QazAqparat tilshisi.

Oblystyq densaýlyq saqtaý basqarmasynyń baspasóz qyzmeti málim etkenindeı, aýrýhanalar 43,1 paıyzǵa tolǵan. Sonyń ishinde Oral qalasynda 911 tósektik 7 statsıonarda 513 adam (56,3 paıyz) em qabyldaýda.

Jansaqtaý bólimshelerinde 109 tósek bolsa, olarda 32 naýqas (29,4 paıyz) ornalastyrylǵan. Sońǵy aptada aldyńǵymen salystyrǵanda, indet juqtyrý kórsetkishi 7,5 paıyzǵa (74 adamǵa) kemidi.

Basqarma málimetine qaraǵanda, jyl basynan beri 1 964 baladan koronavırýs anyqtalsa, sonyń 1 878-i emdelip shyqty. 86-sy emdelý ústinde.

Іndet bastalǵannan beri oblysta 33 416 naýqas, sonyń ishinde 24 195-i bıylǵy 1 qańtardan beri tirkeldi. Solardyń 25 541-i jazylyp shyqty. 632-si kóz jumdy. Tek sońǵy aptada 36 naýqas koronavırýstan qaıtty.

Eske sala keteıik, budan buryn Batys Qazaqstanda Sinopharm kompanııasynyń vaktsınasy jetkizilgenin jazǵan bolatynbyz.