Batys Qazaqstanda ınfektsııalyq statsıonarlar sany 18-ge jetti
ORAL. QazAqparat – Batys Qazaqstan oblysynda ınfektsııalyq statsıonarlar sany 18-ge jetti, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, qazirgi tańda 1123 tósektik 18 aýrýhanada 566 naýqas em alýda.
Infektsııalyq statsıonarlar 50,4 paıyzǵa tolǵan.
Basqarma málimetine qaraǵanda, jyl basynan beri oblysta 10459 adam koronavırýs juqtyrsa, sonyń 6634-inde aýrý belgileri bar, 3825-i – sımptomy joqtar.
Tirkelgenderdiń teń jartysynan astamy nemese 59,4 paıyzy (6219) Oral qalasynyń úlesine tıedi. Sondaı-aq Báıterek aýdanynda 1262 (12 paıyzy), Bórlide 1114 (10,6 paıyzy) adam syrqattandy.
Іndet bastalǵannan beri barlyǵy 19680 adam (11299-y – aýrý belgileri bar, 8381-i – sımptomy joqtar) dertke shaldyqty. 15384 adam saýyǵyp shyqsa, 286-sy kóz jumdy.
«Sońǵy táýlikte 73 adam (51-iniń aýrý belgileri bar) kovıdpen tirkelse, 26 naýqas jazylyp shyqty. Aldyńǵy aptamen salystyrǵanda, sońǵy aptada indet juqtyrý kórsetkishi 18,5 paıyzǵa (222-ge) tómendedi», dep habarlady vedomstvodan.
Eske sala keteıik, budan buryn Batys Qazaqstanda tórt kúnde 577 adamnan koronavırýs tabylǵanyn jazǵan bolatynbyz.
