Batys Qazaqstanda ınfektsııalyq statsıonarda jatqandar sany kóbeıip otyr
ORAL. QazAqparat – Batys Qazaqstan oblysynda ınfektsııalyq statsıonarda jatqandar sany kóbeıip ketip otyr, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, keshe 1123 tósektik 18 ınfektsııalyq aýrýhanada 405 naýqas jatsa, búgin olardyń sany 439-ǵa jetti.
Sonyń basym kópshiligi (353-i) Oral qalasyndaǵy 600 tósektik 5 statsıonarda em qabyldap jatyr. 28 naýqas jansaqtaý bóliminde emdelýde.
Keshe koronavırýstan qaıtqandar 350 bolsa, búgin olardyń sany 352-ge jetti.
Basqarma málimetine qaraǵanda, sońǵy aptada aldyńǵymen salystyrǵanda, indet juqtyrǵandar 7,8 paıyzǵa (47 naýqasqa) tómendedi.
Jyl basynan beri 14160 adam tirkelse, sonyń 55,7 paıyzy (7895) Oral qalasy, 14,3 paıyzy (2026) Báıterek, 11,1 paıyzy (1581) Bórli aýdanynyń úlesine tıedi.
Іndet bastalǵannan beri óńirde aýyrǵan 23381 naýqastyń 18481-i jazylyp shyqty.
Sońǵy táýlikte 86 adamnan kovıd tabylsa, 115 naýqas emdelip shyqty.
Oblys boıynsha 75625 adam koronavırýsqa qarsy vaktsınanyń birinshi, 35843-i ekinshi komponentin qabyldady.
«Óńirde ınfektsııalyq aýrýhanalarǵa túsken naýqastardyń kóbeıýi alańdatady. Sondyqtan turǵyndarǵa karantın talaptaryn saqtaýdy umytýǵa bolmaıdy. Sonymen qatar indetke tosqaýyl qoıý úshin ekpe alý qajet», dep habarlady vedomstvodan.
Eske sala keteıik, budan buryn Batys Qazaqstanda koronavırýspen statsıonarda jatqandar sany 400-den asqanyn jazǵan edik.
