Batys Qazaqstanda ınfektsııalyq statsıonarda jatqandar sany 580-ge jetti
ORAL. QazAqparat – Batys Qazaqstan oblysynda 800 tósektik 10 ınfektsııalyq statsıonarda 580 adam emdelýde, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, aýrýhanalar 72,5 paıyzǵa tolǵan.
Sonyń ishinde 29 naýqas jansaqtaý bólimshesinde jatyr.
Sondaı-aq 195 tósektik 4 karantındik statsıonarda 17 adam em alýda.
Sońǵy táýlikte 117, bir aptada 830 adamnan koronavırýs anyqtaldy.
Pnevmonııaǵa shaldyqqan 426 adam statsıonarda, 43-i ambýlatorlyq em alýda.
Invazıvti jasandy tynys alý apparatyna 7, ınvazıvti emes osyndaı qurylǵyǵa 9, ottegi kontsentratoryna 39, ortalyqtandyrylǵan ottegi kózine 119 adam qosylǵan.
Oqý jyly bastalǵan qyrkúıekten beri 765, sonyń ishinde bıyl 560 baladan indet tabyldy.
BQO sanıtarlyq-epıdemıologııalyq baqylaý departamenti málimetine qaraǵanda, qazirgi tańda oblysta bir mektep (aýdanda) túgeldeı karantınge jabylǵan. Oǵan qosa 25 mektepte 35 synyp, 1 JOO-da 3, 8 balabaqshada 9 topqa osyndaı shekteý qoıyldy.
Eske sala keteıik, budan buryn Batys Qazaqstanda sońǵy tórt kúnde 463 adamnan koronavırýs anyqtalǵanyn jazǵan bolatynbyz.
