Batys Qazaqstanda ınfektsııalyq statsıonarda jatqandar sany 500-ge jýyqtady
ORAL. QazAqparat – Batys Qazaqstan oblysynda 710 tósektik 9 ınfektsııalyq statsıonarda 483 adam jatyr, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, juqpaly aýrýlar aýrýhanalary 68 paıyzǵa tolǵan.
Sonyń ishinde 28 adam jansaqtaý bólimshesinde em alýda.
Oblysta bir aptada koronavırýs juqtyrǵandar sany 754-ke jetti.
Pnevmonııaǵa shaldyqqandardyń 411-i statsıonarda, 52-si ambýlatorlyq em alýda.
Invazıvti tynys alý apparatyna 2, ınvazıvti emes osyndaı qurylǵyǵa 10, ottegi kontsentratoryna 39, ortalyqtandyrylǵan ottegi kózine 129 adam qosylǵan.
Jyl basynan beri 487 bala koronavırýs juqtyrdy.
Іri kásiporyndardan Chınarev munaıgazkondensaty kenishindegi «Jaıyqmunaı» JShS-da bıyl 37 adamnan indet tabyldy.
Sondaı-aq Qarashyǵanaq kenishin ıgerip jatqan «QPO b.v.» kompanııasynda jyl basynan beri koronavırýs juqtyrǵan 77 adam tirkeldi.
Oblys boıynsha osy kezge deıin 9249 adam vaktsınanyń birinshi, 2690-sy ekinshi komponentimen egilip úlgerdi.
Eske sala keteıik, budan buryn Oralda sońǵy tórt kúnde 235 adamnyń koronavırýs juqtyrǵanyn jazǵan bolatynbyz.
