Batys Qazaqstanda ınfektsııalyq statsıonarda jatqandar sany 463-ke jetti
ORAL. QazAqparat – Batys Qazaqstan oblysynda 696 tósektik 9 ınfektsııalyq statsıonarda 463 adam jatyr, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkenindeı, qazirgi kezde juqpaly aýrýlar aýrýhanalary 66,5 paıyzǵa tolǵan.
Sonyń ishinde 25 adam jansaqtaý bólimshesinde em alýda.
Sondaı-aq 195 tósektik 4 karantındik statsıonarda 14 adam jatyr.
Oblysta bir aptada 700 adamnyń koronavırýs juqtyrǵany tirkeldi.
Kúni búgin ınvazıvti jasandy tynys alý apparatyna 2, ınvazıvti emes apparatqa 10, ottegi kontsentratoryna 13, ortalyqtandyrylǵan ottegi kózine 118 adam qosylǵan.
Oblysta qyrkúıek aıynan beri 670 bala koronavırýs juqtyrsa, sonyń 465-i bıyl anyqtalǵan.
Óńirde indettiń órshı túsip, epıdemııalyq ahýaldyń kúrdelenip bara jatqany oblys ákimi Ǵalı Esqalıevtiń tóraǵalyq etýimen ótken jedel shtab otyrysynda da aıtyldy. Osyǵan oraı óńir basshysy karantın talaptaryn kúsheıtý qajettigin jetkizdi.
Eske sala keteıik, budan buryn Batys Qazaqstanda tórt kúnde 430 adamnan koronavırýs tabylǵanyn jazǵan bolatynbyz.
